بيحط نفسه فى مواقف بايخاااااااااا

هذا شاب من الله عليه فخطب فتاة جميلة ولكنه فوجئ بأن الخطوبة ليست كلها عسل فهناك المواسم والاعياد وماادراك مالمواسم والاعياد فالويل لك ان لم تدخل بهدية في يدك في كل موسم او عيد ، يعني عيد الفطر والاضحى طبعا وعيد الام (حاجة لمامتها) وموسم عاشوراء ومولد النبي وعيد الفلاح المهم الشاب ياعيني لقى نفسه متورط لحد في عيد من الاعياد دخل يجيب الهدية من محل يبيع فازات (اناء الزهور) لقى الفازة ب 100 جنيه وب 200 جنيه وقف متحسر ، وقبل مايخرج من المحل بعد ان قرر عدم الشراء بيبص كده لقى فازة مكسورة 4 قطع ومرمية على جنب قامت جات له فكرة خبيثة راح لصاحب المحل قال له ايه الفازة دي ؟ قال له : دي مكسورة هنرميها في الزبالة الشاب فرح وقال له : ابوس ايدك لفها لي لفة حلوة وانا آخدها واعطيك عشرة جنيه وافق الرجل وجلس الشاب ينتظر انتهاء لف الهدية وهو يتخيل نفسه وهو يبدي دهشته وحزنه عندما تفتح خطيبته الهدية فتجدها مكسورة وكيف سيبرر لها ذلك بأنه عندما خرج من المحل وقعت الهدية منه على الارض وانه لم يتوقع ابدا انها قد كسرت بهذا الشكل وانه سيذهب حالا ليشتري واخدة غيرها وطبعا هي سترفض ، استيقظ الشاب من افكاره على صوت الرجل يقول له "تفضل الحاجة جاهزة" وأعطاه العلبة وبداخلها الفازة المكسورة.
أخذ الشاب الهدية وهو يكاد يطير من الفرح معجبا بهذه الفكرة العبقرية وبالفعل سلمها لخطيبته وجلس معها ساعتين(حق الهدية) وانصرف .
تاني يوم بيتصل بيها بيقول لها ايه رايك في الهدية ياحبيبتي (عاوز يطمن على عملته) فوجئ بها بتقول له : تاني مرة ياسي حمادة لما تحب تعمل حركة قرعة زي دي ابقى خلي الراجل يلف لك الحاجة كلها في ورقة واحدة.
طبعا مش هاقول لكم بقى هو كان شكله ايه بعد ماكتشف ان الراجل لف كل قطعة من القطع الاربعة المكسورة في ورقة تغليف ثم وضع القطع الاربعة داخل العلبة (ماهو مايعرفش صاحبنا ناوي يعمل بيها ايه ؟).
تعيش وتاخد غيرها ياحمادة هههههههههههههه